logo reytt/hvítt
 Um Søvn Landsins        Deildir       Tíðindi        Stuðul      Upplatingartíðir       Ofta spurt        English  
TJÓÐSAVNIÐ  LANDSBÓKASAVNIÐ LANDSSKJALASAVNIР    
leita í søvnum 4   bøkur og skjøl 3      náttúra 4 fornminni 4 framsýning, mentan, náttúra, skúlatænasta
T˙ ert her: TÝ­indi | Stjˇrar settir

news

Stjórar settir

Stjórar 

  
30-05-2017

Herleif Hammer settur sum stjóri á Tjóðsavni Føroya

Rigmor Dam, landsstýriskvinna í mentamálum, hevur gjørt av at seta Herleif Hammer í starvið sum stjóri á Tjóðsavni Føroya frá 1. august 2017 at rokna. Starvið, ið er áramálssett, er sett í fimm ár.

Herleif Hammer er 46 ára gamal og útbúgvin cand.phil. í søgu og siðsøgu frá Fróðskaparsetri Føroya og Århus Universiteti umframt at hann hevur tikið leiðsluútbúgving “Ledelse i praksis”. Í løtuni starvast hann sum rektari í Hoydølum og sum undirvísingarstjóri á Glasi.

Herleif Hammer hevur m.a. drúgvar leiðsluroyndir frá Føroya Studentaskúla og HF-skeiði (Glasir), har hann hevur starvast síðstu 15 árini, bæði sum umsitingarleiðari, vararektari og síðan 2013 sum rektari.


Annika Smith sett sum stjóri á Føroya Landsbókasavni

Rigmor Dam, landsstýriskvinna í mentamálum, hevur gjørt av at seta Anniku Smith í starvið sum stjóri á Føroya Landsbókasavni frá 1. august 2017 at rokna.

Annika Smith er 53 ára gomul og er útbúgvin bókavørður frá Danmarks Biblioteksskole í 1996 og cand.scient.bibl. frá Keypmannahavnar Universiteti í 2016.

Eftir lokna útbúgving í 1996 flutti hon heimaftur til Føroya, og hevur starvast sum bókavørður síðani tá. Eitt ár á Býarbókasavninum í Tórshavn og síðani á Landsbókasavninum.

Seinastu 5 árini hevur Annika Smith starvast sum 1. bókavørður á Landsbókasavninum og verið partur av leiðsluni har.