logo reytt/hvítt
 Um Tjóðsavnið       Deildir       Tíðindi        Stuðul      Upplatingartíðir       Ofta spurt        English  
TJÓÐSAVNIÐ  LANDSBÓKASAVNIÐ LANDSSKJALASAVNIР    
leita í søvnum 4   bøkur og skjøl 3      náttúra 4 fornminni 4 framsýning, mentan, náttúra, skúlatænasta
Samband







Ársfrágreiðingar
LØGTINGSLÓG NR. 14 FRÁ 28. FEBRUAR 2013 UM MENTANARSØGULIG SKIP

--------------------------------------------------------------------------------
Løgtingslóg nr. 14 frá 28.02.2013
--------------------------------------------------------------------------------

Nr. 14 28. februar 2013

Samsvarandi samtykt Løgtingsins staðfestir og kunnger løgmaður hesa løgtingslóg:

Mentanarsøgulig skip

§ 1. Endamálið við lógini er at skipa eina verndar- og stuðulsskipan til mentanarsøgulig skip og hava tey siglandi í Føroyum. Eitt mentanarsøguligt skip er eitt varðveitingarvert skip, ið umboðar eitt søguligt tíðarskeið í føroysku skipasøguni, og hevur mentanarsøguligan týdning fyri Føroyar.

Átekning

§ 2. Skip, ið er millum 5 og 300 BT, eldri enn 50 ár og hevur serligan mentanarsøguligan týdning fyri Føroyar, kann sambært umsókn fáa átekning sum varðveitingarvert skip.

§ 3. Landsstýrismaðurin ásetir neyvari reglur um átekning, um treytir og skyldur í hesum sambandi, og um frávik.
Stk. 2. Ánari av skipi, ið hevur átekning sambært hesi lóg, hevur skyldu at halda skipið í tí standi, ið er grundarlag fyri átekningini.

§ 4. Antikvariski myndugleikin kann gera av, at ein átekning sum varðveitingarvert skip verður tikin aftur, um serlig orsøk er fyri tí.

Stuðul

§ 5. Skip, ið hava átekning, kunnu søkja antikvariska myndugleikan um stuðul.

§ 6. Endamálið við stuðlinum er at varðveita og halda siglandi tey skip, ið hava mentanarsøgulig virði og hava fingið átekning sambært hesi lóg.

§ 7. Landsstýrismaðurin ásetir í kunngerð neyvari treytir og reglur fyri, nær og hvussu stuðul verður játtaður, nær tilsøgn um stuðul fellur burtur, og nær útgoldin stuðul kann verða kravdur afturgoldin. Eisini verða ásett krøv um fíggjarætlan, eftirlit, upplýsingarskyldu og atgongd til roknskapartilfar, umframt um roknskap og grannskoðan hjá stuðulsmóttakara.

§ 8. Øll krøv eftir hesi lóg kunnu, saman við innkrevjingarkostnaði, verða innheintað við panting. TAKS fremur pantingina eftir reglunum í skattalógini fyri innkrevjing av skattum.

Fyrisiting

§ 9. Mál sambært hesi lóg verða fyrisitin av antikvariska myndugleikanum, sum skipar fyri fakligari ráðgeving í hesum sambandi.

§ 10. Avgerð, ið er tikin av antikvariska myndugleikanum, kann kærast til landsstýrismannin. Kærufreistin er 4 vikur eftir, at kærarin hevur móttikið avgerðina


Gildiskoma

§ 11. Henda løgtingslóg kemur í gildi dagin eftir, at hon er kunngjørd.

Tórshavn, 28. februar 2013

Kaj Leo Holm Johannesen (sign.)
løgmaður

Lm. nr. 60/2012
Friðing, vernd, loyvisgeving, stuðul

Løgtingslóg nr. 19 frá 16. september 1948 um friðan av fornminnum og bygningum, sum seinast broytt við løgtingslóg nr. 11 frá 19. apríl 1972.

Løgtingslóg nr. 92 frá 21. desember 2004 um vernd av fornlutum í havinum.

Løgtingslóg nr. 14 frá 28. februar 2013 um mentanarsøgulig skip

Anordning nr. 888 fra 8. december 1999 om ikrafttræden for Færøerne af lov om folkekirkens kirkebygninger.

Kunngerð um átekning og stuðul til mentanarsøgulig skip.

Kunngerð nr. 13 frá 11. februar 2000 um bygningar fólkakirkjunnar.

Kunngerð nr. 28 frá 18. mai 2004 um skúlabókasøvn.

Kunngerð nr. 120 um serliga fuglaveiðu frá 21. november 1986.

Kunngerð nr. 60 um ræning av lomvigareggum frá 16. mai 1986.

Kunngerð nr. 87 frá 20. september 2007 um friðing av hvali.

Kunngerð nr. 125 frá 19. september 2011 um lógarbundna játtan og stuðulsjáttan

Kunngerð nr. 52 frá 5. desember 1957: Reglugerð fyri grunnin til varðveitingar av fornminnum í Kirkjubø.

Skjalasavnsvirksemi
Løgtingslóg nr. 49 frá 28. apríl 1992 um Føroya Landsskjalasavn (føroyska arkivlógin).

Kunngerð 117 frá 5. juli 1995 um almenn savnindi og virksemið hjá Føroya Landsskjalasavni.

Avtala millum Forsætismálaráðið og Føroya landsstýrið um savnindi ríkisins í Føroyum.

Lovbekendtgørelse nr. 1035 af 21. august 2007 om arkivloven (danska arkivlógin).

Reglur um vraking av ávísum savnindum hjá almennum stovnum, 2010.

Bókasavnsvirksemi
Løgtingslóg nr. 79 frá 8. mai 2001 um bókasøvn, sum broytt við løgtingslóg nr. 148 frá 20. desember 2005.

Kunngerð nr. 4 frá 20. januar 2012 um avhending av skyldueintøkum til Landsbókasavnið.

Reglugerð frá 15. juli 2003 fyri býtið av bókasavnsgjaldinum

Musealt virksemi
Løgtingslóg nr 26. Frá 17.august 1955 um Føroya Náttúruripasavn, seinast broytt við løgtingslóg nr. 66 frá 10 mai 2000.

Løgtingslóg nr. 32 frá 2. mai 1952 um fornminnissavn, sum seinast broytt við løgtingslóg nr. 24 frá 9. apríl 1964.

Løgtingslóg nr. 17 frá 9. mai 1972 um bygdasøvn við mentunarsøguligum týdningi, sum broytt við løgtingslóg nr. 88 frá 17. juli 1986.