logo reytt/hvítt
 Um Tjóðsavnið       Deildir       Tíðindi        Stuðul      Upplatingartíðir       Ofta spurt        English  
TJÓÐSAVNIÐ  LANDSBÓKASAVNIÐ LANDSSKJALASAVNIР    
leita í søvnum 4   bøkur og skjøl 3      náttúra 4 fornminni 4 framsýning, mentan, náttúra, skúlatænasta
Samband







Ársfrágreiðingar
KUNNGERÐ NR. 28 FRÁ 18. MAI 2004 UM SKÚLABÓKASØVN

--------------------------------------------------------------------------------
Kunngerð nr. 28 frá 18.05.2004
Broytingar eftir 1. januar 1999 og kunngerðir
--------------------------------------------------------------------------------

Nr. 28 18. mai 2004

Við heimild í § 23, stk. 3 í løgtingslóg nr. 125 frá 20. juni 1997 um fólkaskúlan, sum seinast broytt við løgtingslóg nr. 128 frá 22. desember 2000, og í § 17, stk. 3 í løgtingslóg nr. 79 frá 8. mai 2001 um bókasøvn, verður ásett:

§ 1. Í hvørjum sjálvstøðugum skúla, sbrt. fólkaskúlalógini § 30, stk. 1, verður skipað eitt skúlabókasavn sum námsfrøðiligur tænastudepil. Skúlabókasavnið er liður í dagliga virksemi skúlans og partur av galdandi bókasavnsskipan.
Stk. 2. Endamálið hjá skúlabókasavninum er, 1) at stuðla tí einstaka næminginum í fjølbroyttu, persónligu menningini og at menna hugin hjá næminginum at lesa og læra og
2) at styðja ta dagligu undirvísingina og geva næmingum og lærarum skúlans atgongd til bøkur og annað hóskandi tilfar á tílíkan hátt, at bókasavnstilfar verður ein sjálvsagdur táttur í virki næmingsins.


§ 2. Skúlabókasavnið skal vera í egnum hølum í skúlanum, tó kunnu fólkabókasavn og skúlabókasavn vera í somu hølum.
Stk. 2. Skúlabókasavnið skal í minsta lagi fevna um hóskandi handbókasavn, flokka- og bólkasavn og hava úrval av føgrum bókmentum og yrkisbókmentum. Harumframt skal tað hava eitt savn við undirvísingaramboðum.
Stk. 3. Í skúlabókasavninum skulu vera til taks undirvísingarmiðlar til undirvísingina í skúlanum. Úrvalið skal vera so fjølbroytt, at tað nøktar tørvin í øllum lærugreinunum og aldursstigum og til tvørgreinaliga undirvísing.
Stk. 4. Skúlabókasavnið skal hava námsfrøðiligan verkstað, har bæði lærarar og næmingar kunnu viðgera og framleiða tilfar til undirvísing, verkætlanaruppgávu o.t.

§ 3. Alt tilfar í skúlabókasavninum skal verða skrásett. Skrásetingin eigur at vera eftir tí leisti og teirri skipan, sum Føroya landsbókasavn stingur út í kortið.
Stk. 2. Alt útlán skal verða skrásett.

§ 4. Skúlabókavørðurin skal hava útbúgving sum skúlabókavørður. Landsstýrismaðurin kann í serligum føri gera frávik frá hesum.
Stk. 2. Skúlaleiðarin kann seta skúlabókavørðinum hjálparfólk, um tørvur er á tí. Hjálparfólkið skal hava sama førleika, sum ásett er í stk. 2.

§ 5. Skúlabókavørðurin leiðbeinir næmingum og lærarum.
Stk. 2. Skúlabókavørðurin útvegar tilfar og amboð til skúlabókasavnið. Er fólkabókasavn á staðnum, verður hetta gjørt í samstarvi við tað.

§ 6. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 125 frá 1. oktober 1990 um skúlabókasøvn.

Mentamálaráðið, 18. mai 2004

Jógvan á Lakjuni (sign.)

landsstýrismaður

/Petur Petersen (sign.)
Friðing, vernd, loyvisgeving, stuðul

Løgtingslóg nr. 19 frá 16. september 1948 um friðan av fornminnum og bygningum, sum seinast broytt við løgtingslóg nr. 11 frá 19. apríl 1972.

Løgtingslóg nr. 92 frá 21. desember 2004 um vernd av fornlutum í havinum.

Løgtingslóg nr. 14 frá 28. februar 2013 um mentanarsøgulig skip

Anordning nr. 888 fra 8. december 1999 om ikrafttræden for Færøerne af lov om folkekirkens kirkebygninger.

Kunngerð um átekning og stuðul til mentanarsøgulig skip.

Kunngerð nr. 13 frá 11. februar 2000 um bygningar fólkakirkjunnar.

Kunngerð nr. 28 frá 18. mai 2004 um skúlabókasøvn.

Kunngerð nr. 120 um serliga fuglaveiðu frá 21. november 1986.

Kunngerð nr. 60 um ræning av lomvigareggum frá 16. mai 1986.

Kunngerð nr. 87 frá 20. september 2007 um friðing av hvali.

Kunngerð nr. 125 frá 19. september 2011 um lógarbundna játtan og stuðulsjáttan

Kunngerð nr. 52 frá 5. desember 1957: Reglugerð fyri grunnin til varðveitingar av fornminnum í Kirkjubø.

Skjalasavnsvirksemi
Løgtingslóg nr. 49 frá 28. apríl 1992 um Føroya Landsskjalasavn (føroyska arkivlógin).

Kunngerð 117 frá 5. juli 1995 um almenn savnindi og virksemið hjá Føroya Landsskjalasavni.

Avtala millum Forsætismálaráðið og Føroya landsstýrið um savnindi ríkisins í Føroyum.

Lovbekendtgørelse nr. 1035 af 21. august 2007 om arkivloven (danska arkivlógin).

Reglur um vraking av ávísum savnindum hjá almennum stovnum, 2010.

Bókasavnsvirksemi
Løgtingslóg nr. 79 frá 8. mai 2001 um bókasøvn, sum broytt við løgtingslóg nr. 148 frá 20. desember 2005.

Kunngerð nr. 4 frá 20. januar 2012 um avhending av skyldueintøkum til Landsbókasavnið.

Reglugerð frá 15. juli 2003 fyri býtið av bókasavnsgjaldinum

Musealt virksemi
Løgtingslóg nr 26. Frá 17.august 1955 um Føroya Náttúruripasavn, seinast broytt við løgtingslóg nr. 66 frá 10 mai 2000.

Løgtingslóg nr. 32 frá 2. mai 1952 um fornminnissavn, sum seinast broytt við løgtingslóg nr. 24 frá 9. apríl 1964.

Løgtingslóg nr. 17 frá 9. mai 1972 um bygdasøvn við mentunarsøguligum týdningi, sum broytt við løgtingslóg nr. 88 frá 17. juli 1986.